Токму пред почетокот на летото, Olival ја лансираше новата колекција SUPER COCO, која претставува мала револуција кога станува збор за забрзано потемнување. Колекцијата вклучува три клучни производи кои овозможуваат најдобра нега, хидратација и освежување, придружени со прекрасен, исончан тен. Новитетите се видливи и во самите текстури – лесни, целосно немасни формули што не оставаат масни траги, а сепак додаваат посебен сјај кој ќе ја разубави претстојната сезона.
КРЕМАСТО ЗАДОВОЛСТВО СО СВЕТКИ
SUPER COCO сорбетот за забрзано потемнување е уникатен производ кој овозможува хидратација и стимулира потемнување – сè во еден чекор. Содржи природни состојки како какао путер, алое вера и витамин Е, кои интензивно ја негуваат кожата и ја штитат од сушење. Лесната текстура брзо се впива, оставајќи ја кожата мека, мазна и без чувство на тежина.
Белата боја на сорбетот, збогатена со фини светки, потсетува на внатрешноста на школка и ѝ дава на кожата сјаен и негуван изглед. Производот има пријатен мирис на кокос, што совршено ја доловува летната атмосфера.
Главната активна состојка за забрзано потемнување е иновативната BRONZ’ALG® – патентирана формула која ја комбинира кафеавата алга Bifurcaria bifurcata со аминокиселината ацетил-тирозин, со цел природно да го поттикне создавањето на меланинот и да го забрза потемнувањето.
Овој спој на активни состојки делува синергетски – го стимулира создавањето на меланин и обезбедува природна антиоксидантна заштита од УВ зраците (но не ги заменува специјализираните производи за заштита од УВА и УВБ). Делува и по сончањето – продолжува да го стимулира потемнувањето и по изложувањето на сонце.
ТЕКСТУРА НА ЖЕЛЕ И МАГЛИВИ ОБЛАЧИЊА ЗА ОСВЕЖУВАЊЕ
Иновативната состојка BRONZ’ALG® ја содржи и формулата на SUPER COCO желето за забрзано потемнување. Оваа патентирана комбинација од кафеавата алга Bifurcaria bifurcata и аминокиселината ацетил-тирозин ја стимулира природната синтеза на меланинот за рамномерен и интензивен тен.
Желето има лесна, целосно немасна гел текстура што брзо се впива и не остава чувство на тежина или маснотија. Богато е со хидратантни состојки како алое вера и глицерин, кои ја негуваат кожата и ја одржуваат мека и свежа. Сината боја на желето потсетува на морски бранови, а неговиот кремест мирис на кокос е совршен за сите љубители на летото.
SUPER COCO освежувачката вода за лице и тело е незаменлив летен додаток кој моментално освежува и хидрира. Пумпицата создава фини, суптилни облачиња кои инстантно освежуваат во жешките денови. Формулата е збогатена со пантенол, кој помага во регенерација на кожата, и глицерин за дополнителна хидратација. Водата за освежување е без алкохол и е погодна за користење од тинејџерска возраст.
Новата колекција SUPER COCO од Olival е продолжение на култната колекција SUPER MRKVA и е совршен избор за сите кои бараат полесни текстури и хидратантна нега со прекрасен мирис на кокос.
ВАЖНО: ПРОИЗВОДИТЕ НЕ СОДРЖАТ УВ ЗАШТИТА.
Пред подолго сончање, се препорачува нанесување на млеко или масло за сончање со заштитен фактор. Избегнувајте изложување на сонце помеѓу 11:00 и 17:00 часот. Колекцијата е наменета за лица кои веќе имаат исончана кожа и не е погодна за лица кои се чувствителни на сонце, ниту за деца и лица со светла кожа. Дури и ако користите производ со УВ заштита, избегнувајте прекумерно сончање. Прекумерното сончање сериозно го загрозува здравјето.
