Чувството на затегнатост, безживотен тен со песочна текстура, недостаток на сјај, црвенило… Список на сигнали преку кои нашата кожа многу често ни кажува – „ми недостасува влага“. Дехидрирана кожа може да биде секоја кожа – дури и масната – па затоа за оваа нејзина потреба, треба да се грижиме секој ден. Додека светиот грал на хидратацијата е хијалуронот во сите свои форми, полиглутаминската киселина се повеќе и повеќе добива внимание бидејќи ја крева хидратацијата на кожата на повисоко ниво.
Како што веќе кажавме, дехидратацијата е универзален проблем на секоја кожа. Затоа фокусот на негата, покрај правилното чистење, секогаш мора да биде темелното, бескомпромисно влажнење на сите нејзини слоеви. Дали има нешто подобро од хијалуронска киселина, особено кога производот содржи различни типови молекуларни маси? Всушност, постои. Односно, постои состојка која може да го зајакне неговото дејство – полиглутаминска киселина.
10 ПАТИ ПОГОЛЕМА ХИДРАТИЗАЦИЈА
И хијалуронската киселина (ХА) и полиглутаминската киселина (ПГА) се природно присутни во кожата како хумектанти. Тие ја задржуваат влагата во нивните молекули и ја „носат“ длабоко низ заштитниот слој (stratum corneum) до епидермисот и дермисот. Експертите за ХА велат дека може да „носи“ до 1.000 пати поголема влага од нејзината тежина. Сепак, ПГА тука издвојува победа, бидејќи е 10 пати поуспешна во оваа борба.
Полиглутаминската киселина постои во природата во форма на натриум полиглумат, аминокиселински полимер на глутаминска киселина. Интересно е дека оваа киселина ја има во традиционалното јапонско јадење наречено natto, направено од соја и ферментирано со Bacillus subtilis. ПГА во козметиката е интересна од неколку причини:
- екстремно добро привлекува и задржува вода
- го зголемува на нивото на разни природни хидратантни фактори (НМФ)
- ја спречува деградација на хијалуронска киселина во кожата и губењето на влага
- го инхибира производството на меланин, со што се изедначува бојата на тенот
- ја подобрува еластичноста, јачината и мекоста за т.н. „стаклена кожа“
ПОЛИГЛУТАМИНСКА КИСЕЛИНА ИЛИ ХИЈАЛУРОНСКА КИСЕЛИНА
Се поставува прашањето – која киселина е подобра? Добрата вест е дека во оваа битка меѓу хумектанси, победник нема но зошто? Всушност, ХА и ПГА работат исклучително добро заедно, се надополнуваат меѓусебно и синергиски ја хидрираат кожата. Пример за ова е Оливал Хијалурон Хидраторот 4Х кој содржи полиглутаминска киселина и 4 видови хијалуронска киселина, ектоин и пантенол. Молекулата на полиглутаминска киселина по својата структура е поголема од која било молекула на хијалуронот, поради што не може да навлезе толку длабоко во кожата како него. Истовремено, тоа и е предноста бидејќи формира невидлив штит од влага на кожата со што се спречува транспидермалното губење на вода – а со самото тоа допринесува за хидратација на површинскиот слој кој е заслужен за тој младешки и свеж изглед, кој сите го посакуваме.
